ილია მეორეს ტექნიკური უნივერსიტეტის საპატიო დოქტორის წოდება მიენიჭა. ამის შესახებ ტექნიკური უნივერსიტეტის რექტორმა არჩილ ფრანგიშვილმა, უნივერსიტეტში გამართულ თეოლოგიის სასწავლო-სამეცნიერო ცენტრის დაარსების 13 წლის იუბილეს მიძღვნილ კონფერენციაზე განაცხადა.
რექტორის თქმით, საპატიო დოქტორის წოდების მინიჭების გადაწყვეტილება უნივერსიტეტის აკადემიურმა საბჭომ მიიღო.
"გაუფრთხილდით ჩვენს სარწმუნოებას, ადათ-წესებს, იმ ფასეულობებს, რომლებიც ჩვენმა წინაპრებმა დაგვიტოვეს", - მიმართა კათოლიკოსმა ილიამ სტუდენტებს.
ილია მეორეს წელს საპატიო დოქტორის წოდება სოხუმის უნივერსიტეტმაც მიანიჭა.