გავრცელებული ინფორმაციით, Youtube-ზე გავრცელებული ვიდეო, სადაც თალიბანის სახელით ავღანეთში მყოფ ქართველ ჯარისკაცებს ემუქრებიან, საქართველოდან აიტვირთა.
ტელეკომპანია რუსთავი 2-ის მიერ გავრცელებული ცნობით, საქართველოს შინაგან საქმეთა და თავდაცვის სამინისტროები უკვე აწარმოებენ მოლაპარაკებას Google-თან, რომელიც Youtube-ის მომხმარებლების შესახებ ინფორმაციას ფლობს. თუმცა, ამ ეტაპზე, ეს ოფიციალურად დადასტურებული არ არის. ცნობილია მხოლოდ ის, რომ მიმდინარეობს გამოძიება. ტაბულა შსს-სა და თავდაცვის სამინისტროში ინფორმაციის გადამოწმებას შეეცადა. პასუხს მისი მიღებისთანავე გაცნობებთ.
აღსანიშნავია, რომ ხსენებული ვიდეოს ბმული 6 ივნისს, დილის საათებში, მიიღეს ქართულმა მედიასაშუალებებმა, მათ შორის, ტაბულამ. ბმული Facebook-ზე ავღანური სახელით და გვარით რეგისტრირებული ანგარიშიდან გამოგზავნეს. ანგარიში 2 ივნისაა შექმნილი.
