აშშ–ის სენატის დელეგაცია ჯონ მაკკეინის ხელძღვანელობით ბიძინა ივანიშვილს ხვდება. შეხვედრა კოალიცია ქართული ოცნების ცენტრალურ ოფისში დახურულ კარს მიღმა მიმდინარეობს და მასში ბიძინა ივანიშვილთან ერთად, ბლოკი „ბიძინა ივანიშვილი-ქართული ოცნების“ სხვა ლიდერები, ირაკლი ალასანია და დავით უსუფაშვილიც მონაწილეობენ. შეხვედრას ესწრება საქართველოში აშშ-ის ახალი ელჩი რიჩარდ ნორლანდიც.
აშშ–ის სენატის სამკაციანი დელეგაცია სენატორ ჯონ მაკკეინის ხელძღვანელობით საქართველოს დღეს, ორდღიანი ვიზიტით ეწვია. დელეგაციაში არიან სენატორი ჯოზეფ ლიბერმანი და სენატორი ლინდსი გრემი.
