საქართველოს პარლამენტმა 2011 წლის ბიუჯეტში ცვლილებები დაამტკიცა. მიმდინარე წლის სახელმწიფო ბიუჯეტი 219, 6 მილიონი ლარით გაიზარდა. კენჭისყრის წინ ფინანსთა მინისტრმა განმარტა, რომ დამატებითი სახსრები მოხმარდება : ლტოლვილთა სახლების მშენებლობისა და რეაბილიტაციას, გუდაურისა და მესტიის კურორტებზე საბაგირო გზების მშენებლობას, საგზაო ინფრასტრუქტურის განვითარებს, სასჯელაღსრულების დაწესებულებებისთვის დამატებული თანხა - პაემნების ოთახების მოწყობას, გაიზარდა სოფლის მეურნეობის განვითარების პროგრამების დაფინანსება და ასე შემდეგ. ყველაზე მეტი ზრდის წილი 44, 6 მილიონი ლარის ოდენობით სამინისტროებს შორის თავდაცვის უწყებაზე მოდის. ფინანსთა მინისტრმა პარლამენტის სხდომაზე განმარტა, რომ ბიუჯეტის მატება ეკონომიკურმა ზრდამ განაპირობა, რისი პარამეტირც 5, 5 პროცენტიდან 6 პროცენტამდე გაიზარდა.
