ცხინვალის სეპარატისტი ლიდერი ედუარდ კოკოითი გამორიცხავს თვითგამოცხადებული რესპუბლიკის ლიდერი ქალი გახდეს. მის ფავორიტ კანდიდატს ანატოლი ბიბილოვს ე.წ. არჩევნებში კონკურენციას სწორედ ქალი -ალა ჯიოევა უწევს. შეკითხვას - შესაძლებელია თუ მისი მომდევნო ცხინვალის რეგიონში ქალი გახდეს?- კოკოითიმ უპასუხა, რომ ეს გამორიცხულია. ”ჩვენთან ქალებს არავინ აკნინებს, ჩვენს საზოგადოებაში ქალებს კარგად ექცევიან, მაგრამ კავკასია მაინც კავკასიაა”- განაცხადა კოკოითიმ.
ალა ჯიოევა ყოფილი ე.წ. განათლების მინისტრია. 2010 წლეს ის ე.წ. მინისტრობიდან თანამდებობის ბოროტად გამოყენების ბრალდებით გადააყენეს. ჯიოევას წინააღმდეგ ფე ფაქტო ხელისუფლებამ მაშინ სისხლის სამართლის საქმე აღძრა, მას 2 წლიანი პირობითი სასჯელიც მიუსაჯეს. 13 ნოემბრის ”არჩევნებში” მიღებული ხმების რაოდენობით ალა ჯიოევა სულ ცოტათი ჩამორჩა ანატოლი ბიბილოვს. საქართველოს ოკუპირებულ რეგიონში ”არჩევნების” მეორე ტური 27 ნოემბერს უნდა ჩატარდეს.
