რუსეთის სახელმწიფო საზოგადოებრივი აზრის კვლევითმა ცენტრმა (ВЦИОМ) განაცხადა გამოკითხვის მეთოდოლოგიის შეცვლის შესახებ და გამოაქვეყნა მთავრობის უახლესი რეიტინგები, რომლის მიხედვითაც პრეზიდენტ ვლადიმირ პუტინის რეიტინგი გაიზარდა, მიუხედავად იმისა, რომ მისი რეიტინგი 7 კვირის განმავლობაში შეუჩერებელ კლებას განიცდიდა.
ВЦИОМ-ის მონაცემებით, 4-დან 10 მაისამდე პერიოდში, როდესაც გამოკითხვა ჩატარდა, გამოკითხულთა 66.8%-მა მოიწონა პუტინის, როგორც პრეზიდენტის, მოღვაწეობა, რაც 1.2 პროცენტული პუნქტით მეტია წინა გამოკითხვასთან შედარებით, რომელიც 13-19 აპრილს ჩატარდა.
ამასთან ერთად, გამოკითხულთა 72.1%- მა განაცხადა, რომ მას ენდობოდა, როდესაც აპრილში ეს მაჩვენებელი 1.1 პროცენტული პუნქტით ნაკლები იყო.
ასევე შემცირდა პუტინის მოღვაწეობით უკმაყოფილო პირთა რიცხვი (22.9%, 0.4 პროცენტული პუნქტით ნაკლები) და მის მიმართ უნდობლობით განწყობილთა რიცხვი (23.6%, 0.5 პროცენტული პუნქტით ნაკლები).
ВЦИОМ-ის მონაცემები არ მოიცავს ორი კვირის გამოკითხვის შედეგებს: 20-26 აპრილი და 27 აპრილი - 3 მაისი.
️უახლესმა გამოკითხვამ ასევე აჩვენა ნდობის ზრდა მიხაილ მიშუსტინის (72.1%, +1.1 პროცენტული პუნქტი) და "ერთიანი რუსეთის" რეიტინგის (31.2%, +3.5 პროცენტული პუნქტი) მიმართ. თუმცა, მთავრობის მუშაობის მოწონება შემცირდა (38.9%, -0.8 პროცენტული პუნქტი) და მისი თავმჯდომარის (42.2%, -2.1 პროცენტული პუნქტი) მიმართ.
️გარდა ამისა, ВЦИОМ-მა განაცხადა გამოკითხვის მეთოდოლოგიის შეცვლის შესახებ: სოციალური სამსახური ახლა რუსებს არა მხოლოდ ტელეფონით, არამედ კარდაკარ გამოკითხვის საშუალებითაც ამოწმებს.
"მხოლოდ სატელეფონო გამოკითხვები აღარ იძლევა მაღალი ხარისხის საარჩევნო პროგნოზირებისთვის აუცილებელ ყოვლისმომცველ სურათს," - განაცხადა ცენტრის პოლიტიკური კვლევების დირექტორმა.
მონაცემების ზრდას კრემლთან ასოცირებული საზოგადოებრივი აზრის ფონდიც (ФОМ) აფიქსირებს, რომელმაც გამოაქვეყნა 1-3 მაისის განმავლობაში ჩატარებული გამოკითხვის შედეგები. ფონდმა ეს შედეგები გასულ პარასკევს არ გამოაქვეყნა, მათი თქმით, უქმე დღეების გამო.
ФОМ-ის მონაცემებით, იმ რესპონდენტთა წილი, რომლებიც პუტინის საქმიანობას დადებითად აფასებენ, 73%-დან 75%-მდე გაიზარდა. პუტინის ნდობის მქონეთა წილი 1 პროცენტული პუნქტით გაიზარდა და 74%-ს მიაღწია.
აქამდე, ბოლო მონაცემებით, პუტინის რეიტინგი 7 კვირის განმავლობაში იკლებდა, პარასკევს, 8 მაისს კი ორივე სააგენტომ მონაცემების გამოქვეყნებაზე უარი თქვა და მიზეზად უქმე დღეები დაასახელა.
