სამების საკათედრო ტაძარში შეკრებილმა საქართველოს მართლმადიდებელი ეკლესიის გაფართოებულმა კრებამ 22 ხმით გამოირჩია შიო, მიტროპოლიტი სენაკისა და ჩხოროწყუსი და საპატრიარქო ტახტის მოსაყდრე, მთავარეპისკოპოსად მცხეთა-თბილისისა, მიტროპოლიტად ბიჭვინთისა და ცხუმ აფხაზეთისა და სრულიად საქართველოს კათოლიკოს-პატრიარქად.
ახალი პატრიარქი ადის ანდრიას სამოციქულო კათედრაზე, რიგითი ნომრით, შიო III.
მროველ-ურბნელმა მიტროპოლიტმა იობმა მიიღო 9 ხმა, ფაზისელმა მიტროპოლიტმა გრიგოლმა - 7 ხმა, გაუქმდა 1 ხმა.
"ჩემს გამორჩევას სრულიად საქართველოს კათოლიკოს პატრიარქად ვღებულობ მორჩილებით, ღვთის მადლით და სასოებით" - თქვა შიო III-მ პატრიარქად გამორჩევის შემდეგ.
როგორც სამადლობელ სიტყვაში შიო III-მ განაცხადა, მისი ინტრონიზაცია შედგება 12 მაისს, სვეტიცხოვლის საპატრიარქო ტაძარში.
