კრემლის პრესსამსახურის ცნობით, რუსეთის პრეზიდენტი ვლადიმირ პუტინი კრემლში აშშ-ს პრეზიდენტის, დონალდ ტრამპის სპეციალურ წარმომადგენელ სტივენ უიტკოფთან და ტრამპის სიძე, ბიზნესმენ ჯარედ კუშნერთან შეხვედრას მართავს. შეხვედრის მთავარი თემა რუსეთ-უკრაინის ომის დასრულებაა.
გარდა ამისა, როგორც რუსეთის პრეზიდენტმა გუშინ განაცხადა, ამერიკელ წარმომადგენლებთან რუსეთის "მშვიდობის საბჭოში" მიწვევის საკითხისა და აშშ-ში ჯერ კიდევ წინა ადმინისტრაციის დროს გაყინული რუსული აქტივების ნაწილის მდგომარეობის განხილვაა დაგეგმილი.
მოსალოდნელია, რომ შეხვედრის შედეგების შესახებ ჟურნალისტებს პუტინის თანაშემწე იური უშაკოვი გააცნობს.
