ივანიშვილის შინაგან საქმეთა მინისტრის, ალექსანდრე დარახველიძის თქმით, იზოლატორსა თუ პენიტენციურ დაწესებულებაში ადამიანის შესახლების დროს მისი გაშიშვლება სავალდებულოა. დარახველიძემ აღნიშნა, რომ ამ დროს უნდა მოხდეს დაზიანებების აღწერა.
"ჩვენ ვმოქმედებთ კანონის შესაბამისად. კანონით გათვალისწინებულია, რომ პოლიციის კანონიერი მოთხოვნა, მისი დაუმორჩილებლობა, ეს არის სამართლებრივად დასჯადი ქმედება. შესაბამისად, ადამიანი, თუკი სჩადის მსგავს ქმედებას, ბუნებრივია, მის შემთხვევაში ხდება შესაბამისი ღონისძიების გატარება. ჩვენ წარვადგენთ ყველა იმ საჭირო მტკიცებულებას სასამართლოს წინაშე, სადაც განხილული იქნება, თუ რაში გამოიხატა მისი მხრიდან კანონით გათვალისწინებული მოთხოვნების შეუსრულებლობა.
რაც შეეხება გაშიშვლების ნაწილს, ნებისმიერ დაწესებულებაში, იქნება ეს დროებითი მოთავსების იზოლატორი თუ პენიტენციური დაწესებულება, როცა ხდება ადამიანის შესახლება, სავალდებულოა და ამას გვავალდებულებს ჩვენ სტამბოლის პროტოკოლი, რომ მოხდეს დაზიანების აღწერა. ასევე, ის ჩხრეკის საკითხები, რაც აუცილებელია, რომ მან არ შეიტანოს აკრძალული ნივთი დაწესებულებაში. ეს არის გათვალისწინებული ყველა დაწესებულებაში. ეს არის საერთაშორისო მოთხოვნა, სტამბოლის პროტოკოლის." - თქვა ივანიშვილის შინაგან საქმეთა მინისტრის მოადგილემ.
ტვ პირველის ჟურნალისტი გიორგი მამნიაშვილი საპროტესტო აქციაზე პროფესიული მოვალეობის შესრულებისას დაიჭირეს.
მისი ადვოკატის, თორნიკე მიგინეიშვილის თქმით, ის " იზოლატორში გააშიშვლეს და ბუქნები აკეთებინეს."
