საგანგებო სიტუაციების მართვის სამსახურის ცნობით, ბაღდათში, სოფელ ხანის მიმდებარედ, შერეული ტყის ფერდობზე ხანძარია.
უწყების ცნობით, ხანძრის სალიკვიდაციო სამუშაოებში ჩართულია სასაზღვრო პოლიციის 3 ვერტმფრენი.
"ხანძრის სალიკვიდაციო სამუშაოებში სპეციალური ტექნიკითა და აღჭურვილობით მონაწილეობს 200-მდე მეხანძრე-მაშველი. ადგილზე მიმდინარეობს ცეცხლის ინტენსიური ქრობის პროცესი.
საგანგებო სიტუაციების მართვის სამსახურის ცოცხალ ძალასა და სპეცტექნიკასთან ერთად, სამუშაოებში ჩართულია სასაზღვრო პოლიციის სამი ვერტმფრენიც. ადგილზე მოეწყო საგანგებო შტაბი". - ნათქვამია უწყების განცხადებაში.
მათივე ცნობით, დასახლებულ ადგილებზე ცეცხლის გავრცელების საფრთხე არ არსებობს.
