გიორგი ტუმასიანი სოციალურ ქსელში წერს, რომ სომხეთმა კიდევ ერთი უკრაინაში მებრძოლი ქართველი, ვანო საბაშვილი გაათავისუფლა.
"სომხეთმა ვანო საბაშვილიც გაათავისუფლა გიორგი კინოიანის მსგავსად!" - წერს ტუმასიანი.
ცნობისთვის, რამდენიმე დღის წინ გავრცელდა ინფორმაცია, რომ უკრაინაში მებრძოლ ქართველს, ვანო საბაშვილს სომხეთიდან რუსეთში ექსტრადიციის საფრთხე ემუქრებოდა.
9 ოქტომბერს ცნობილი გახდა, რომ 8 სექტემბერს სომხეთში რუსეთის ფედერაციის მიერ გამოცხადებული ძებნის საფუძველზე დაკავებული გიორგი კინოიანი გაათავისუფლეს.
პუბლიკას ცნობით, კინოიანის უფლებადამცველმა, ანი ჩატინიანმა სოციალურ ქსელში დაწერა, რომ ის 36-დღიანი პატიმრობის შემდეგ არარეპატრიაციის პრინციპის გამოყენების შედეგად გაათავისუფლეს.
ცნობისთვის, 2024 წლის 25 ოქტომბერს თვითგამოცხადებული დონეცკის რესპუბლიკის ე.წ. სასამართლომ უკრაინაში მებრძოლ ქართველ მოხალისეს, გიორგი კინოიანს დაუსწრებლად 7-წლიანი პატიმრობა მიუსაჯა.
კინოიანს 40-დღიანი საექსტრადიციო პატიმრობა ჰქონდა შეფარდებული და მას რუსეთში ექსტრადიცია ემუქრებოდა.
