ღამით უკრაინის სპეციალური ოპერაციების ძალებმა სარატოვსა და სამარაში ნავთობის გადამამუშავებელ ქარხნებზე იერიში მიიტანეს. ინფორმაციას უკრაინის გენერალური შტაბი ავრცელებს.
გენშტაბის ცნობით, ქარხანა რუსეთის ნავთობგადამამუშავებელი სიმძლავრის 2.54%-ს შეადგენს. სამარას ოლქში მდებარე ქარხანა რუსეთის ნავთობის 3%-ს გადაამუშავებს.
აღსანიშნავია, რომ ორივე ქალაქი ფრონტის ხაზიდან დაახლოებით 600 კილომეტრის მოშორებით მდებარეობს.
გარდა ამისა, სპეციალური ოპერაციების ძალების დანაყოფებმა დააზიანეს მაგისტრალური სატრანსპორტო ინფრასტრუქტურის ობიექტი - "სამარა" (ЛПДС). ამ სადგურში ექსპორტისთვის განკუთვნილი Urals-ის ნავთობის ტიპის პროდუქტის მისაღებად სხვადასხვა საბადოდან მიღებული მაღალი და დაბალს გოგირდიანი ნავთობის შერევა ხდება, რაც რუსეთის ფედერაციის საერთო ექსპორტის 50%-მდე შეადგენს.
რუსულ ტელეგრამ არხებზე სარატოვის ნავთობის საწარმოს დაბომბვის კადრები გავრცელდა.
