გერმანიამ 13 აგვისტოს გამოაცხადა, რომ NATO-ს ახალი მექანიზმის, "უკრაინისთვის პრიორიტეტულ საჭიროებათა სიის (PURL)" ინიციატივის ფარგლებში, კიევს $500 მილიონის ღირებულების სამხედრო დახმარებას გაუგზავნის.
გერმანიის საგარეო საქმეთა და თავდაცვის სამინისტროებმა განაცხადეს, რომ დახმარების პაკეტის ფარგლებში ყურადღება "კრიტიკული მნიშვნელობის საჰაერო თავდაცვის შესაძლებლობებისთვის" საჭირო აღჭურვილობას დაეთმობა.
"ეს მყისიერადაა საჭირო, რათა [უკრაინელებმა] თავი დაიცვან უწყვეტი რუსული საჰაერო იერიშებისგან, რაც უკრაინაში უფრო და უფრო მეტ მოქალაქეებს ხოცავს." - განაცხადეს სამინისტროებმა.
აგვისტოს დასაწყისში NATO-მ უკრაინისთვის დიდი ოდენობის იარაღის პაკეტების რეგულარულად მიწოდების კოორდინაცია დაიწყო მას შემდეგ, რაც ნიდერლანდებმა განაცხადა, რომ კიევს €500 მილიონის ღირებულების საჰაერო თავდაცვის აღჭურვილობას, საბრძოლო მასალებსა და სხვა სახის სამხედრო დახმარებას გაუგზავნიდა.
5 აგვისტოს შვედეთმა ასევე განაცხადა, რომ ერთობლივ ძალისხმევაში $275-მილიონიან წვლილს შეიტანდა, ხოლო დანიამ და ნორვეგიამ გადაწყვიტეს, რომ უკრაინას $500 მილიონის ღირებულების საჰაერო თავდაცვის სისტემებს, ტანკსაწინააღმდეგო იარაღს, საბრძოლო მასალებსა და სათადარიგო ნაწილებს მიაწოდებდნენ.
გამოცემა Associated Press-ის ცნობით, აღჭურვილობის ორი პაკეტი, რომლის უდიდესი ნაწილიც აშშ-შია შესყიდული, უკრაინაში, სავარაუდოდ, აგვისტოს თვეშივე მოხდება, თუმცა ნორვეგიიდან გაგზავნილი პაკეტის უკრაინამდე ჩაღწევას სექტემბრისთვის მოელიან.
აღსანიშნავია, რომ NATO-ს ახალი ინიციატივის ფარგლებში შემუშავებული სამხედრო დახმარების პაკეტების შემადგენლობა უკრაინისთვის პრიორიტეტულ შეიარაღებას, აღჭურვილობასა და საბრძოლო მასალებს მოიცავს.
"პაკეტები სწრაფად მომზადება და მათი გაცემა რეგულარულად მოხდება," განაცხადა NATO-მ 4 აგვისტოს.
