ირანის ბირთვულ ობიექტებზე აშშ-ს იერიშს გამოეხმაურა რუსეთის ყოფილი პრეზიდენტი, უშიშროების საბჭოს მდივნის მოადგილე დმიტრი მედვედევი.
მედვედევის მტკიცებით, აშშ-მ ირანის ბირთვულ ობიექტებზე იერიშით ბევრი ვერაფერი მოიგო. აზრის გასამყარებლად ყოფილმა პრეზიდენტმა 10 არგუმენტი მოიყვანა:
- როგორც ჩანს კრიტიკული ბირთვული ინფრასტრუქტურა ან არ დაზიანებულა ან დაზიანდა უმნიშვნელოდ;
- ბირთვული მასალების გამდიდრება მომავალშიც გაგრძელდება;
- ქვეყნების ნაწილი მზად არის ირანს გადასცეს თავისი ბირთვული შეიარაღება;
- ისრაელზე თავდასხმაა, ისმის აფეთქებები, ხალხი პანიკაშია;
- აშშ ერთვება ახალ კონფლიქტში, რომელსაც დიდი ალბათობით სახმელეთო ოპერაციაც ახლავს;
- ირანის პოლიტიკური რეჟიმი შენარჩუნებულია და რაც მთავარია, უფრო ძლიერია;
- ხალხი კონსოლიდირდება სულიერი ხელმძღვანელობის გარშემო;
- ტრამპი, რომელიც მოვიდა როგორც მშვიდობისმყოფელი, იწყებს ახალ ომს;
- ქვეყნების აბსოლუტური უმრავლესობა ისრაელისა და აშშ-ს ქმედებების წინააღმდეგია;
- ასეთი წარმატებებით, ტრამპს ნობელის პრემია მშვიდობის დარგში არ ეღირსება;
"კარგი დასაწყისია, გილოცავთ, ბატონო პრეზიდენტო". – წერს მედვედევი.
