ვოლოდიმირ ზელენსკიმ უკრაინის შეიარაღებული ძალების (ВСУ) სახმელეთო ჯარების მეთაურად ჰენადი შაპოვალოვი დანიშნა.
შაპოვალოვი დაწინაურებამდე ქვედანაყოფ "იუგის" ოპერატიულ შტაბს ხელმძღვანელობდა.
1 ივნისს, სახმელეთო ჯარების მეთაურმა, გენერალ-მაიორმა მიხაილ დრაპატიმ განაცხადა, რომ თანამდებობას ტოვებს. განცხადება მას მერე გაკეთდა, რაც რუსეთმა იერიში მიიტანა სახმელეთო ჯარების ერთ-ერთ სასწავლებელზე. თავდასხმის შედეგად დაიღუპა 12 და დაშავდა 60 უკრაინელი სამხედრო.
"ეს არის გააზრებული ნაბიჯი, რომლისკენაც 239-ე პოლიგონზე მომხდარ ტრაგედიაზე პასუხისმგებლობა მიბიძგებს". – თქვა დრაპატიმ.
3 ივნისს დრაპატი ВСУ-ს გაერთიანებული ძალების მეთაურად დაინიშნა.
