კობახიძე: გერმანიას საქართველოში ელჩი არ ჰყავს, ჰყავთ წარმომადგენელი რადიკალურ ოპოზიციაში

ის არის უკვე წარმავალი განათლების მინისტრი, რომელმაც კუდი მოიქნია, სანამ დატოვებს თანამდებობას. იმედი გვაქვს, რომ მიუხედავად ფონისა, რაც არის შექმნილი, გერმანიასთან გვექნება მაქსიმალურად მჭიდრო თანამშრომლობა მომავალში. თქვენ იცით, რამდენს აფუჭებენ კონკრეტული ბიუროკრატები, მათ შორის, მოქმედი ელჩი. რეალურად დღეს გერმანიას საქართველოში ელჩი არ ჰყავს, ჰყავთ წარმომადგენელი რადიკალურ ოპოზიციაში, სხვა არაფერი არ შეიძლება ეწოდოს მოქმედ ელჩს. ვნახოთ, ჩვენ მაქსიმალურად ვართ დაინტერესებული გერმანიასთან მჭიდრო ურთიერთობებით.