ტელეკომპანია რუსთავი 2-ის ყოფილი დირექტორი, პაატა სალია პარლამენტში ქართული ოცნების დეპუტატი გახდა. მისი უფლებამოსილების ცნობას პლენარულ სხდომაზე მხარი 83-მა დეპუტატმა დაუჭირა, წინააღმდეგი კი არავინ იყო.
პაატა სალია ამ დრომდე შპს სამაუწყებლო კომპანია რუსთავი 2-ის გენერალურ დირექტორად რჩება. სწორედ ამ შპს-ს ეკუთვნის ტელეკომპანია რუსთავი 2-ის 10%-იანი წილი.
პაატა სალია ქართული ოცნების საარჩევნო სიაში 96-ე ნომერი იყო. ის პარლამენტის წევრი, დეპუტატი მას შემდეგ გახდა, რაც მმართველი გუნდის 8 წევრს დეპუტატის უფლებამოსილება ვადაზე ადრე შეუწყვიტეს და მათი შეცვლა გახდა საჭირო, რაც ოცნების სიაში მყოფი ადამიანების თანმიმდევრობით მოხდა.
პაატა სალიას გარდა, დღეს, 10 დეკემბერს, პარლამენტმა კიდევ 7 დეპუტატის უფლებამოსილება ცნო:
- ლევან მაჭავარიანი
- არჩილ გორდულაძე
- სალომე ჯინჯოლავა
- თორნიკე ბერეკაშვილი
- თორნიკე ჭეიშვილი
- გიორგი გუგუჩია
- ირაკლი ჭეიშვილი
სწორედ ეს დეპუტატები ჩაანაცვლებენ მათ, ვისაც უფლებამოსილება ვადაზე ადრე შეუწყდათ.
