მოლდოვის პარლამენტმა ბიზნესმენ ვასილე ტოფანის ხელმძღვანელობით ახალი მთავრობა დაამტკიცა, მას შემდეგ, რაც პრემიერმინისტრობის კანდიდატმა თავისი მინისტრთა კაბინეტის პროგრამა წარადგინა და პირობა დადო, რომ აღადგენდა ქვეყნის ეკონომიკას და მოლდოვის ევროპულ კურსს შეინარჩუნებდა.
პრემიერმინისტრად პრეზიდენტ მაია სანდუს მიერ წარდგენილ ტოფანის კანდიდატურას მხარი მოლდოვის პარლამენტის 53-მა დეპუტატმა დაუჭირა. ოპოზიციურმა პარტიებმა კენჭისყრაში მონაწილეობისგან თავი შეიკავეს.
ტოფანის თქმით, მისი მთავრობის მიზანი იქნება, რომ 2028 წლის ბოლომდე ხელი მოაწეროს მოლდოვის ევროკავშირში გაწევრიანების შესახებ შეთანხმებას, წევრობისთვის კი ქვეყანა 2030 წელს მოამზადოს.
ტოფანის განცხადებით, მისი მთავრობის მიზანია მინიმუმ 10 სახელმწიფო კომპანიის პრივატიზაცია, ტექნოლოგიებსა და ხელოვნურ ინტელექტში ინვესტიციების სტიმულირება, მაღალი დამატებითი ღირებულების მქონე პროდუქციის ექსპორტის გაზრდა და ჩრდილოვანი ეკონომიკის შემცირება.
ცნობისთვის, მოლდოვის ყოფილმა პრემიერმინისტრმა ალექსანდრუ მუნტეანუმ თანამდებობის დატოვების შესახებ 2026 წლის 3 ივლისს განაცხადა, რამაც მთავრობის გადადგომაც გამოიწვია.
