2024 წლის თბილისის საერთაშორისო კინოფესტივალი მიმდინარე წლის 1 დეკემბერს დაიწყება და 8 დეკემბერს დასრულდება.
17 ნოემბერს, ევროპული არტ-ჰაუსის კინოს დღეს, კ/თ „ამირანში“ ჟაკ დერეს ფილმის აუზის (La Piscine) ჩვენება გაიმართა. ფილმის დაწყებამდე თბილისის საერთაშორისო კინოფესტივალის დამფუძნებელმა გაგა ჩხეიძემ მოკლედ ისაუბრა მომავალი ფესტივალის დეტალებზე.
რიგით 25-ე კინოფესტივალის საკონკურსო პროგრამაში წელს 35 ქართული ფილმი მოხვდა: სრული მხატვრული – 5, მოკლე მხატვრული – 15, სრული დოკუმენტური – 6, მოკლე დოკუმენტური – 9.
ტრადიციულად ფესტივალის მიწურულს ჟიური საუკეთესო ფილმების ავტორებს კინოფესტივალის ჯილდოს, პრომეთეს გადასცემს.
ერთი კვირის განმავლობაში ფესტივალის სტუმრები ათობით უცხოურ და ქართულ სურათებს იხილავენ.
თბილისის კინოფესტივალის სრული პროგრამა ახლო მომავალში გახდება ცნობილი.
