სამეგრელოში, ტობავარჩხილის ტბის მიმდებარე ტერიტორიაზე ჩეხ მოლაშქრეს, სტანისლავ კოსკისს ეძებენ.
როგორც ტაბულას შინაგან საქმეთა სამინისტროში უთხრეს, აღნიშნულ ფაქტზე გამოძიება სისხლის სამართის 143-ე მუხლით მიმდინარეობს, რაც თავისუფლების უკანონო აღკვეთას გულისხმობს.
ჩეხი მოლაშქრის შესახებ განცხადებას ფეისბუქ გვერდი, Trekking in the Caucasus-იც ავრცელებს.
არსებული ინფორმაციით, ჩეხი მოლაშქრე სქურიდან ხაიშში ცდილობდა გადასვლას - კოსკისი ბოლოს კირნახონაში, 28 სექტემბერს შენიშნეს.
"იმ შემთხვევაში თუ ვინმე ეწვია ტობავარჩხილის ტბას სექტემბრის ბოლოს ან ოქტომბრის დასაწყისში (ან იცნობს ვინმეს, ვინც ამ პერიოდში იმყოფებოდა აღნიშულ ტერიტორიაზე) და შეხვდა მას - ძალიან გამოგვადგება დამატებითი ინფორმაცია მისი მდებარეობის, ან სამარშრუტო გეგმების შესახებ, რაც მისი ადგილსამყოფელის დადგენაში დაგვეხმარება". - წერია განცხადებაში.
