მიგრაციის საერთაშორისო ორგანიზაციის (IOM) ცნობით, იემენთან ახლოს მიგრანტების ნავის ჩაძირვას, სულ მცირე, 13 ადამიანი ემსხვერპლა, 14 კი ამ დრომდე დაკარგულია.
მიგრანტების ნავს ეთიოპიის 25 და იემენის 2 მოქალაქე გადაჰყავდა, ორგანიზაციის ცნობით, ნავი იემენის სანაპიროდან სამხრეთ-დასავლეთის მიმართულებით მოძრაობდა.
IOM-ის მონაცემებით, გარდაცვლილებს შორის 11 მამაკაცია და 2 კი ქალი. დაკარგულების მოსაძებნად სამაშველო სამუშაოები ამ დრომდე მიმდინარეობს.
ივლისში, იემენთან სანაპიროსთან ახლოს კიდევ ერთი ნავი ჩაიძირა, რომელსაც 45 მიგრანტი გადაჰყავდა, მაშინ მაშველებმა მხოლოდ 4 ადამიანის გადარჩენა მოახერხეს.
