რუსეთის თავდაცვის სამინისტროს მტკიცებით, 10 აგვისტოს ღამეს კურსკის ოლქში საჰაერო თავდაცვის სისტემებმა 26 უკრაინული დრონი გაანადგურეს.
"გასულ ღამეს შევაჩერეთ კიევის რეჟიმის მცდელობა უპილოტო საფრენი აპარატებით იერიში მიეტანათ რუსეთის ფედერაციის ტერიტორიაზე". – წერია უწყების ანგარიშში.
ანგარიშში ასევე წერია, რომ კიდევ 6 უკრაინული დრონი ჩამოგდებულია ლიპეცკის ოლქში.
თავდაცვის სამინისტროს მონაცემებით იერიშის შედეგად დაღუპულია ერთი ადამიანი, დაზიანებულია რამდენიმე შენობა.
