სირიის ცნობით, ისრაელის თავდაცვის ძალების საჰაერო თავდასხმისას ცენტრალურ სირიაში ოთხი სირიელი სამხედრო დაიჭრა. ინფორმაცია ამის შესახებ თავდაცვის უწყებაზე დაყრდნობით სირიის სახელმწიფო მედიამ გაავრცელა.
სირიის სამხედრო წყაროების ცნობით, ისრაელის იერიშმა ცენტრალურ სირიაზე მატერიალური ზიანიც გამოიწვია, თუმცა უცნობია თუ რა დაზიანდა თავდასხმისას და იყო თუ არა ეს ზიანი მიყენებული სამხედრო ინფრასტრუქტურაზე.
თავდასხმაზე სირიაში ვრცელდებოდა ინფორმაცია, რომ აფეთქების ხმა გაისმა შაირათის საჰაერო ბაზაზე ჰომსში. ჰამას-ისრაელის ომის მიმდინარეობისას, ისრაელზე კოორდინირებულ თავდასხმაში ასევე მონაწილეობენ ირანიდან მართული სირიული დაჯგუფებები, რაზეც იერიში ისრაელის თავდაცვის ძალებს პერიოდულად მიაქვს.
