ეს [2024 წლის] არჩევნები არის ერთტურიანი არჩევნები, ორტურიანი არჩევნები, ის ჯოჯოხეთი, დასრულდა. ის მაჟორიტარული არჩევნები დასრულდა, სადაც 30:0 ჰქონდა ფორა ქართულ ოცნებას. ჰანდიკაპი ჰქონდა 30 მანდატიანი და ჩვენ 30-ით 0-ს უკვე ვაგებდით და ისე შევდიოდით არჩევნებში.
2012 წლის შემდეგ ვერცერთ პირველ ტურში ქართული ოცნება გამარჯვებას ოფიციალურად ვერ ზეიმობდა, ვერ აფორმებდა. მას სჭირდებოდა მეორე ტურები, სადაც რესურსი გაცილებით მეტი ჰქონდა. [...] ახლა აღარც მაჟორიტარული სისტემაა, არის ერთტურიანი არჩევნები და ამ არჩევნებში ქართულ ოცნებასაც კი, რომელიც გადაიქცა იმად რადაც გადაიქცა, ნამდვილად არ აქვს საკმარისი რესურსი, რომ თავს მოახვიოს სამი ათასივე უბანს.
