მიქანაძე Edison Research-ზე: ეს არის კვიპროსის ბიუროს დაწერილი ციფრები

იმედი მაქვს, რომ თქვენ ჩემგან სერიოზულ პასუხს არ ელოდებით ედისონ რისერჩის კვიპროსის ბიუროს მიერ დაწერილ ციფრებზე. ეს არანაირ სერიოზულ განხილვასაც კი არ ექვემდებარება, სრული ფაბრიკაცია არის და ერთადერთი მიზანი რაც აქვს, არასწორი აღქმები შეუქმნას ჩვენს მოსახლეობას. ძალიან კარგად იციან ამ კვლევის ჩამტარებლებმაც და იმ პარტიებმაც, რომლებსაც ახლა აქვთ რაღაცა ხალისი და ჟრიამული იმისა, რომ ჯამში [მათ აქვთ] იმაზე მეტი პროცენტული მაჩვენებელი, ვიდრე ქართულ ოცნებას. ნუ, ეს არის აბსოლუტურად, აი, როგორ გითხრათ, ზღაპარიც კი არ არის, რაღაც გამოგონილ ისტორიასაც ვეღარ დავარქმევთ, აბსოლუტურად ეს არის ხელოვნურად აღებული და დაწერილი ციფრები, ვიცით, ვის მიერ. კიდევ ერთხელ ხაზს ვუსვამ, რომ ეს არის ედისონ რისერჩის კვიპროსის ბიუროს დაწერილი ციფრები. მეტს ამაზე მე ვერაფერს ვერ ვიტყვი. დანარჩენს 26 ოქტომბერს ვნახავთ.