სახალხო დამცველის წლიური საპარლამენტო ანგარიშის მიხედვით, ბავშვთა სიღარიბე, წინა წელთან შედარებით, 5.2%-ით გაიზარდა.
"ქვეყნის ერთ-ერთი უმთავრესი პრობლემა - ბავშვთა სიღარიბეა. „სოციალურად დაუცველი ოჯახების მონაცემთა ერთიან ბაზაში“ რეგისტრირებული ბავშვების რაოდენობა, წინა წელთან შედარებით, 5,2%-ით გაიზარდა. მოსახლეობის განსაკუთრებით მოწყვლად ჯგუფს განეკუთვნებიან ასევე, ხანდაზმულები" - წერია ლევან იოსელიანის პარლამენტის ადამიანის უფლებათა დაცვისა და სამოქალაქო ინტეგრაციის კომიტეტში წარდგენილ წლიურ ანგარიშში.
