უკრაინის საგანგებო სიტუაციების სამსახურის ცნობით, 23 მარტის ღამეს რუსეთმა ხარკოვზე დრონებით საჰაერო იერიშები მიიტანა. როგორც ცნობილია, თავდასხმის შედეგად უკრაინელი პოლიციის ოფიცერი და გადაუდებელი დახმარების მუშაკი დაშავდნენ.
უკრაინის საგანგებო სიტუაციების სამსახურის ინფორმაციით, რუსეთის თავდასხმამ 150 კვ. მეტრის ფართობის ტერიტორიაზე ხანძარი გამოიწვია. რუსული დრონებით თავდასხმის სამიზნე ხარკოვში მდებარე სამსართულიანი შენობა იყო. უკრაინის გადაუდებელი დახმარების სამსახური და ეროვნული პოლიციის ჯგუფი ადგილზე მალევე მივიდა, რა დროსაც რუსმა სამხედროებმა დრონის გამოყენებით მეორე თავდასხმა განახორციელეს.
