ნიგერიის პრეზიდენტმა ბოლა ტინუბუმ მთავრობის წევრებისთვის ბიუჯეტის ფულით უცხოეთში მოგზაურობა აკრძალა. აკრძალვა თავდაპირველად სამი თვის განმავლობაში 1-ლი აპრილიდან იმოქმედებს. ინფორმაცია ამის შესახებ ბოლა ტინუბუს აპარატის უფროსმა გაავრცელა.
ნიგერიის პრეზიდენტის აპარატის უფროსის თქმით, ქვეყანაში იზრდება შეშფოთება მთავრობის წევრების მიერ უცხოეთში მოგზაურობაში დახარჯული ბიუჯეტის ფულის გამო. ბოლო დროს ნიგერიაში უცხოეთში ვიზიტების გამო კრიტიკის ობიექტია პრეზიდენტი ტინუბუს ადმინისტრაცია. თავად პრეზიდენტი ბოლა ტინუბუ 2023 წლის მაისიდან დღემდე ქვეყნის საზღვრებს გარეთ 15 ოფიციალური ვიზიტით იმყოფებოდა, სადაც 2.2 მილიონი აშშ დოლარი დაიხარჯა.
2024 წლის იანვარში ნიგერიის პრეზიდენტმა ბოლა ტინუბუმ მთავრობის, მათ შორის საკუთარი, უცხოეთში მოგზაურობის ხარჯები 60%-ით შეამცირა. 2024 წლის აპრილიდან ნიგერიის მთავრობის წევრებს მხოლოდ "გადაუდებელი აუცილებლობის" შემთხვევაში შეეძლებათ ნიგერიის დატოვება.
