რუსეთის თავდაცვის სამინისტროში აცხადებენ, რომ 16 უკრაინული დრონი ჩამოაგდეს, აქედან 15 - ვოლგოგრადის ოლქში.
თავდაპირველად მათ გაავრცელეს ცნობა, რომ 8 მარტის გამთენიისას ვოლგოგრადის ოლქში 11, ბელგოროდის ოლქში კი - 1 დრონი ჩამოაგდეს. შემდეგ, დილის საათებში ირწმუნებოდნენ, რომ ვოლგოგრადის ოლქში კიდევ 4 უპილოტო საფრენი აპარატი ჩამოაგდეს.
რუსეთის თავდაცვის სამინისტრო არაფერს წერს დრონების ჩამოვარდნის შედეგებზე.
ვოლგოგრადის ოლქი უკრაინას არ ესაზღვრება და კიევის მიერ კონტროლირებული ტერიტორიებიდან 300 კილომეტრით არის დაშორებული.
