13 დეკემბრის საღამოს და 14 დეკემბრის ღამეს რუსებმა უკრაინას შაჰედის ტიპის 42 დრონით შეუტიეს, მათგან 41 კი უკრაინელებმა გაანადგურეს. ამის შესახებ ინფორმაციას უკრაინის საჰაერო ძალები ავრცელებს.
"ამ ღამით შევძელით შაჰედ-136/131 ტიპის 42 უპილოტო საფრენი აპარატიდან 41-ის ჩამოგდება. აბსოლუტური უმრავლესობა ოდესის ოლქში გაუშვეს". - აღნიშნულია განცხადებაში.
ამავე ინფორმაციით, საჰაერო თავდასხმის მოგერიებაში მონაწილეობდნენ საჰაერო ძალების საზენიტო-სარაკეტო ქვედანაყოფები და საჰაერო ძალების მობილური საცეცხლე ჯგუფები.
არსებული ინფორმაციით, ოკუპანტებმა შეტევა დაიწყეს 13 დეკემბერს, 19:00 საათიდან. თავდასხმის ძირითადი მიმართულება ოდესის ოლქი იყო.
