უკრაინის თავდაცვის ძალების ცნობით, 6 ნოემბერს რუსულმა ძალებმა ოდესაზე საჰაერო იერიში მიიტანეს, რის შედეგადაც 5 ადამიანი დაშავდა და ნაწილობრივ დაინგრა ოდესის 124 წლის წინ აშენებული ხელოვნების ეროვნული გალერეა.
ხელოვნების ეროვნული გალერეა ოდესის ერთ-ერთი ყველაზე ძველი სასახლის შენობაშია განთავსებული. გალერეაში გამოფენილია მე-19 და მე-20 საუკუნეების ცნობილი რუსი და უკრაინელი მხატვრების ტილოები. ოდესის რეგიონის გუბერნატორის ოლეგ კიპერის თქმით, ზუსტად 6 ნოემბერს ოდესის ცნობილი გალერიის აშენებიდან 124 წელი შესრულდა.
"რუსებმა ჩვენს არქიტექტურულ მონუმენტს "დაბადების დღე მიულოცეს" და რაკეტა ჩამოაგდეს" - თქვა კიპერმა.
ოდესის ქალაქის საბჭომ ვიდეო გაავრცელა ვიდეო, სადაც ჩანს, თუ როგორ ინგრევა ოდესის ისტორიული შენობა. გალერეის სიახლოვეს ქუჩაზე ჩამოგდებულმა რაკეტამ რამდენიმე მეტრის სიღრმის კრატერი შექმნა.