სს პაშა ბანკ საქართველოს სამეთვალყურეო საბჭოს გადაწყვეტილებით, 2023 წლის ოქტომბრიდან დირექტორთა საბჭოს წევრი და ფინანსური დირექტორი პარვინ მამმადოვი გახდა;
პარვინ მამმადოვმა ბაკალავრის ხარისხი 2009 წელს თურქეთში, ეკონომიკის 9 Eylul-ის უნივერსიტეტში, ბიზნესის ადმინისტრირების მიმართულებით, ხოლო ბაკალავრის ხარისხი ამავე მიმართულებით ბაქოში, UNEC-ის უნივერსიტეტში მიიღო. მან კარიერა ბაქოში, Rabita Bank OJSC-ში დაიწყო, შემდეგ კი, KredAgro NBCO-ში გააგრძელა.
2012 წლის აპრილიდან, პარვინ მამმადოვი ბაქოს კაპიტალ ბანკის ფინანსურ დირექტორად დაინიშნა. 2023 წლის ოქტომბერში კი, ის პაშა ბანკ საქართველოს შეუერთდა, როგორც დირექტორთა საბჭოს წევრი და ფინანსური დირექტორი.
პაშა ბანკი არის პაშა ჯგუფის ნაწილი, რომელიც თავის მხრივ წარმოადგენს აზერბაიჯანის წამყვან საინვესტიციო ჰოლდინგს და ფლობს აქტივებს ისეთ სფეროებში, როგორიც არის დაზღვევა, კორპორაციული და საცალო საბანკო საქმიანობა, ქონების მართვა, მშენებლობა და ტურიზმი.
პაშა ბანკმა საქართველოში ფუნქციონირება 2013 წლის თებერვალში დაიწყო.
