რუსეთმა 18 ოქტომბრის ღამეს სარაკეტო იერიში მიიტანა ზაპოროჟიეზე, დაღუპულია 2 ადამიანი.
რაკეტა საცხოვრებელ კორპუსს მოხვდა. დარტყმის შედეგად 2 სადარბაზოში განადგურებულია ბინები.
"რუსების ტერორისტული თავდასხმის ადგილზე მუშაობენ მაშველები. სამწუხაროდ ამ დროისთვის არის ორი დაღუპული, კიდევ სამი ადამიანი უგზო-უკვლოდ დაკარგულად ითვლება. შენობის სხვა მაცხოვრებლები ევაკუირებულნი არიან". – წერს Telegram არხში ზაპოროჟიეს ქალაქის საკრებულოს მდივანი ანატოლი კურტევი.
რუსეთის საოკუპაციო ძალები უკრაინის ტერიტორიას ყოველდღიურად ბომბავს. უმეტესად ნადგურდება არასტრატეგიული შენობები, იღუპებიან მშვიდობიანი მოსახლეები.
მოგვიანებით მაშველებმა ნანგრევებიდან კიდევ 2 ადამიანის ცხედარი ამოიყვანეს.
