უკრაინის პრეზიდენტის, ვოლოდიმირ ზელენსკის ცნობით, აშშ და უკრაინა იარაღის ერთობლივ წარმოებას გეგმავენ.
"მივაღწიეთ გრძელვადიან შეთანხმებას – ჩვენ ვიმუშავებთ ამერიკის შეერთებულ შტატებთან ერთად, რათა უკრაინისთვის საჭირო იარაღი ვაწარმოოთ" – წერს ვოლოდიმირ ზელენსკი Telegram-ზე.
მისივე თქმით, შეთანხმების მიხედვით აშშ უკრაინას დახმარების ახალ სამხედრო პაკეტს გადასცემს, მათ შორის საჰარეო თავდაცვისთვის საჭირო ტექნიკას, არტილერიას, ჭურვებსა და საინჟინრო აღჭურვილობას.
"ეს არის ერთობის ახალი დონე! თავდაცვის ინდუსტრიაში აშშ-სთან ერთობლივი წარმოება ისტორიული რამ არის" – წერია უკრაინის პრეზიდენტის განცხადებაში. ამასთან ერთად, ზელენსკიმ ხაზი გაუსვა იმას, რომ ერთობლივი წარმოება ორივე ქვეყნის ეკონომიკას წაახალისებს და ახალ სამუშო ადგილებს შექმნის.
უკრაინის პრეზიდენტი ამბობს, რომ აშშ-სთან ერთად "თავდაცვის ახალი ეკოსისტემის" შექმნას ისახავს მიზნად, რითიც თავისუფლების გაძლიერება და სიცოცხლის დაცვა უფრო შესაძლებელი გახდება.
ზელენსკიმ მადლობა გადაუხადა, როგორც აშშ-ს პრეზიდენტს, ჯო ბაიდენს, ისევე აშშ-ს კონგრესის ორივე პარტიასა და ორივე პალატას. მისივე თქმით, კონგრესმენებთან საუბრისას გრძნობდა ნდობას, რაც "ყოველთვის ერთობის საფუძველს წარმოადგენს."
"ეს გლობალურ დონეზე დადებით შედეგებს გამოიღებს" – წერს ზელენსკი.