ცენტრალურ რუსეთში, ვოლგოგრადის ოლქში რუსული სამხედრო თვითმფრინავი Su-24 ჩამოვარდა. ჯერჯერობით უცნობია, ცოცხლები არიან თუ არა ბორტზე მყოფი ორი მფრინავი.
ინფორმაცია Su-24 ტიპის თვითმფრინავის ჩამოვარდნის შესახებ, რუსეთის სამთავრობო მედიამ თავდაცვის სამინისტროზე დაყრდნობით გაავრცელა.
გავრცელებული ინფორმაციით, თვითმფრინავი საწვრთნელი ფრენისას ჩამოვარდა და შეიარაღება არ გადაჰქონდა.
რუსული გამოცემა V1.ru-ს ცნობით, თვითმფრინავის ბორტზე მყოფი პილოტები დაიღუპნენ. ამასთან დაკავშირებით დადასტურებული ინფორმაცია ჯერჯერობით არ ვრცელდება. შემთხვევის ადგილას მიმდინარეობს გამოძიება.
