უკრაინის შინაგან საქმეთა სამინისტროს ინფორმაციით, აზერბაიჯანი უკრაინას გამნაღმველ მანქანას გადასცემს და ამასთან, მისი განაღმვითი ექსპერტები უკრაინელ გამნაღმველებს მოამზადებენ.
10 აგვისტოს კიევში გამართულ შეხვედრაზე ელჩ სეიმურ მარდალიევმა უკრაინის შინაგან საქმეთა მინისტრის მოადგილე ბოჰდან დრაპიატისთან აზერბაიჯანის ტერიტორიაზე წვრთნების ჩატარება განიხილა. შეხვედრის დროს მარდალიევმა აღნიშნა, რომ "აზერბაიჯანი უერთდება იმ ქვეყნების სიას, რომლებიც განაღმვის სექტორში მომუშავე უკრაინელი ექსპერტებისთვის ტრენინგს ჩაატარებენ."
"ჩვენი გამოცდილება თქვენთვის ძალიან საინტერესო უნდა იყოს. საუბარია არა მხოლოდ ეროვნული დონის შესაძლებლობებზე, არამედ საერთაშორისო მისიების განხორციელებაზეც". - თქვა მარდალიევმა.
ომის მიმდინარეობისას რუსეთმა უკრაინის მიწების დაახლოებით 174 000 კვადრატული კილომეტრი მოიცვა, რომელიც პოტენციურად ნაღმებითა და სხვა ფეთქებადი საშუალებებითაა დაბინძურებული. უკრაინის წყლების თითქმის 14 000 კვადრატული კილომეტრის გასუფთავებაც საჭიროა, თქვა დრაპიატიმ შეხვედრაზე.
აზერბაიჯანის მთავრობის ინფორმაციით, ომის დაწყებიდან ბაქომ უკრაინას უკვე 15 მილიონ ევროზე მეტი ღირებულების ჰუმანიტარული დახმარება გაუწია.
