ოკუპირებულ ყირიმში, სოფელ გვარდიისკესთან, სადაც რუსეთის საჰაერო ავიაბაზაა განთავსებული, აფეთქება მოხდა. ამის შესახებ ინფორმაციას რადიო თავისუფლება ანონიმურ ტელეგრამ-არხებზე დაყრდნობით ავრცელებს.
ამავე ინფორმაციით, აეროდრომი ექვემდებარება რუსეთის ფედერაციის საჰაერო და კოსმოსურ ძალებს. ამასთან, რადიო თავისუფლება იუწყება, რომ ამავე ტერიტორიაზე რუსეთის საჰაერო ძალების 37-ე შერეული საავიაციო პოლკია განთავსებული.
საოკუპაციო ხელისუფლებას მომხდარზე კომენტარი ამ დრომდე არ გაუკეთებია.
გარდა ამისა, დილით ოკუპანტებმა ყირიმის ხიდი გადაკეტეს. თუმცა, ამ დროისთვის ცნობილია, რომ ხიდზე მოძრაობა აღდგენილია.
