რუსეთის სახელმწიფო დუმამ მესამე მოსმენით მიიღო ცვლილება სამხედრო სამსახურის კანონში, რომლის მიხედვითაც, 2024 წლიდან ჯარში გამოძახების ასაკი 18-დან 30 წლამდე იქნება. ამავე კანონპროექტის საფუძველზე იცვლება ფედერალური კანონი, რომელიც იარაღის ბრუნვას არეგულირებს.
დოკუმენტის მიხედვით, რუსეთის რეგიონების ხელმძღვანელებს, პრეზიდენტის გადაწყვეტილების საფუძველზე, სპეციალიზებული გასამხედროებული კომპანიების შექმნა შეეძლებათ. ეს კეთდება "საზოგადოებრივი წესრიგის დაცვის გაძლიერებისა და საზოგადოებრივი უსაფრთხოების უზრუნველსაყოფად მობილიზაციისა და საომარი მდგომარეობის პერიოდში, საომარ დროს.
ასეთ სამხედრო კომპანიებს მოუწოდებენ თავდაცვის სამინისტროსთან, შინაგან საქმეთა სამინისტროსა და ფედერალური უსაფრთხოების სამსახურებთან თანამშრომლობისკენ შემდეგი მიმართულებებით: რუსეთის ფედერაციის სახელმწიფო საზღვრების დაცვაში; სხვა ქვეყნების დივერსიულ-სადაზვერვო ფორმირებებთან ბრძოლაში; უკანონო შეიარაღებულ ფორმირებებთან ბრძოლაში.
კომპანიები დაფინანსდებიან რეგიონული და ფედერალური ბიუჯეტებიდან, თანამშრომლები მიიღებენ ცეცხლსასროლ იარაღს ვაზნებით და გაუტოლდებიან უწყებრივ დაცვას.
