ბელგოროდის ოლქის გუბერნატორის, ვიაჩესლავ გლადკოვის თქმით, ქალაქ გრაივორონში დრონიდან ასაფეთქებელი მოწყობილობა ჩამოგადეს, რომელიც კერძო საცხოვრებელ კორპუსს დაეცა. გლადკოვმა ამის შესახებ საკუთარ ტელეგრამ-არხზე დაწერა.
"ქალაქ გრაივორონში დრონიდან კერძო საცხოვრებელ კორპუსზე ასაფეთქებელი მოწყობილობა ჩამოაგდეს. მსხვერპლი არ ყოფილა". - წერს გლადკოვი.
გლადკოვის თქმით, დაზიანებულია შენობის ფასადი და გაზმომარაგების მილები.
როგორც მან აღნიშნა, ადგილზე მობილიზებულია ოპერატიული და სასწრაფო სამსახურები.
რამდენიმე კვირის წინ პროუკრაინული ჯგუფები - რუსული მოხალისეთა კორპუსი (РДК) და ლეგიონი რუსეთის თავისუფლება (ЛСР) რუსეთის ტერიტორიაზე, ბელგოროდის ოლქში შევიდნენ და საბრძოლო მოქმედებებს ჩაატარეს. პირველი მსგავსი შემთხვევა 2 მარტს მოხდა.
ბოლო ოპერაციების შემდეგ РДК-მ და ЛСР-მ ტყვედ აიყვანეს რუსი სამხედროები, რომელთა ნაწილიც შემდეგში უკრაინის შეიარაღებულ ძალებს გადასცეს და უკრაინელ სამხედრო ტყვეებში გაცვალეს.
ომის დაწყების შემდეგ ბელგოროდი რეგულარუად ხდება საარტილერიო იერიშებისა და დრონების სამიზნე.
