რუსულმა ტელეგრამ-არხის, Rybar-ის ინფორმაციით, რუსეთის არმიამ სამხრეთ ფრონტზე სოფელი ნოვოდონეცკოე დაკარგა.
"ვრემიევსკის აღმოსავლეთით უკრაინის შეიარაღებული ძალების ჯავშანტექნიკის ჯგუფმა მოახერხა რუსული ჯარების გამოდევნა სოფელ ნოვოდონეცკოედან". - წერს Rybar-ი.
ამავე ტელეგრამ-არხზე რომელიც თავდაცვის სამინისტროსთან დაახლოებულ გამოცემად ითვლება, აღნიშნა, რომ უკრაინის არმიამ შეტევისას პირველად გამოიყენა გერმანული Leopard-ის ტიპის ტანკები, ხოლო ახლა ორი ასეთი ტანკი და კიდევ ხუთი ჯავშანმანქანა ნოვოდონეცკშია.
სოფელი ნოვოდონეცკოე მდებარეობს უგლედარიდან აღმოსავლეთით 20 კმ-ში, ხოლო დონეცკიდან სამხრეთ-აღმოსავლეთით 60 კმ-ში.