ბრიტანეთის ეკონომიკის შესახებ პროგნოზს საერთაშორისო სავალუტო ფონდი (IMF) აკეთებს და ამბობს, რომ დიდი ბრიტანეთის ეკონომიკის 2023 წლის შედეგები ყველაზე ცუდი იქნება 20 უმსხვილეს ეკონომიკას შორის, რომელიც G20-ის სახელით არის ცნობილი. G20-ში ასევე შედის სანქციებით დაზარალებული რუსეთი.
საერთაშორისო სავალუტო ფონდის პროგნოზის მიხედვით, გაერთიანებული სამეფოს ეკონომიკა 0,3%-ით შემცირდება 2023 წელს და შემდეგ გაიზრდება 1%-ით მომავალ, 2024 წელს.
ეს ხდება მას შემდეგ, რაც გასულ თვეში ორმა ამერიკულმა ბანკმა კოლაფსი განიცადა, რასაც მოჰყვა შვეიცარიული საბანკო გიგანტის, Credit Suisse-ს აქციების ფასის ვარდნა და საბოლოოდ, კონკურენტი UBS-ის მიერ მისი ყიდვა.
