Leopard 2-ის ტიპის 18 ტანკი, რომელთა გადაცემასაც ბერლინი კიევს დაჰპირდა, უკვე უკრაინაშია. ამის შესახებ ინფორმაციას გერმანული გამოცემა Spiegel ავრცელებს.
Spiegel-ის ცნობით, ტანკების ბოლო პარტიამ გერმანია გასული კვირის ბოლოს დატოვა და უკრაინას უკვე გადაეცა.
Leopard 2-ის გარდა, გერმანიამ უკრაინაში Marder-ის ტიპის 40-მდე ქვეითი საბრძოლო მანქანაც გაგზავნა. გერმანიის მთავრობა უსაფრთხოების მიზეზების გამო იარაღის მიწოდების ზუსტ მარშრუტთან დაკავშირებულ ინფორმაციას არ ასაჯაროებს.
