გაიმარჯვა ლევან ხაბეიშვილმა, რომელსაც გულწრფელად ვულოცავ და მინდა, წარმატებები ვუსურვო. ბუნებრივია, ვრჩები პარტიაში, ვაგრძელებთ ბრძოლას მიშას თავისუფლებისთვის, ავტოკრატიული რეჟიმის დამარცხებისთვის.
რაც შეეხება ბათუმის ორგანიზაციის ხელმძღვანელის პოსტს, ბუნებრივია, ლევან ხაბეიშვილს უნდა მიეცეს საშუალება, თავის გუნდთან ერთად გააგრძელოს მუშაობა ისე, როგორც მას წარმოუდგენია, მიიღოს გადაწყვეტილებები იმ გუნდთან ერთად, რომელთანაც მოახერხა გამარჯვება. ამიტომ, ბუნებრივია, აღარ ვარ ბათუმის ორგანიზაციის ხელმძღვანელი.