ამერიკის შეერთებული შტატები მექსიკის საზღვართან მიგრანტების მზარდ რაოდენობასთან გასამკლავებლად კანადის დახმარებას ითხოვს.
სახელმწიფო სპიკერმა, კრისტინა როზალესმა Reuters-სთან ინტერვიუში თქვა, რომ ჩრდილოეთ ამერიკის ლიდერთა სამიტზე შეხვედრისას კანადამ, შეერთებულმა შტატებმა და მექსიკამ სამმხრივი შეთანხმების საკითხი განიხილეს.
10 იანვარს, აშშ-ს პრეზიდენტს, კანადის პრემიერმინისტრსა და მექსიკის პრეზიდენტს შორის მოლაპარაკებების დასრულების შემდეგ, შეთანხმებასთან დაკავშირებით ინფორმაცია არ გავრცელებულა.
კრისტინა როზალესის თქმით, შეთანხმება ათასობით ადამიანს იმიგრაციაში ლეგალური არხებით მოსახვედრად დაეხმარებოდა - იმ რისკების გარეშე, რომლებსაც ისინი მექსიკის საზღვარზე ხვდებიან.
"კანადას თავშესაფრისა და მიგრაციისთვის სპეციფიკური პროგრამები აქვს." - დასძინა კრიტინა როსალესმა.
გასულ წელს ამერიკამ მექსიკის საზღვართან 2,2 მილიონი მიგრანტი დააკავა, რაც მეორე მსოფლიო ომის შემდეგ რეკორდული მაჩვენებელია.
