საქართველო-ევროკავშირი

თალაკვაძე რეზოლუციაზე: ეს არის უსაფუძვლო კრიტიკა და თავდასხმა ბიძინა ივანიშვილზე

ეს არის უსაფუძვლო თავდასხმა და კრიტიკა ბატონ ბიძინა ივანიშვილზე. არაერთხელ გვითქვამს და კიდევ ერთხელ გავიმეორებ - სანქციებს აზრი მაშინ აქვს, როდესაც ის სამართლიანია. შეუძლებელია, ის, რაც რეზოლუციაში ჩაიწერა სიმართლე იყოს, ვინაიდან, ჩვენმა საზოგადოებამ და საერთაშორისო პარტნიორებმაც ძალიან კარგად იციან, რომ სინამდვილეში, ბატონი ბიძინა ივანიშვილის პოლიტიკური ლიდერობით, საქართველოში პოზიტიური ცვლილებები მოხდა [...] დღეს ბიძინა ივანიშვილი პოლიტიკიდან გასულია და რა თქმა უნდა, მეორე მხრივ ალოგიკურია, რომ პოლიტიკიდან გასულ ადამიანზე ასეთი პოლიტიკური შეტევა ხდება. რა თქმა უნდა, ეს საქართველოს პროგრესსა და წინსვლას ვერ შეაჩერებს.

ამბობს ქართული ოცნების დეპუტატი, არჩილ თალაკვაძე. ევროპარლამენტის მიერ ევროკავშირთან საქართველოს ასოცირების შეთანხმების შესრულების შესახებ ყოველწლიური რეზოლუციის მხარდაჭერილი შესწორების თანახმად, პარლამენტი მოუწოდებს ევროპულ საბჭოსა და დემოკრატიულ პარტნიორებს, რომ დაუწესონ სანქციები ბიძინა ივანიშვილს, როგორც დემოკრატიული პროცესების გაუარესებაზე პასუხისმგებელ პირს.

კომენტარები