მას შემდეგ რაც ოპოზიციამ შარლ მიშელის დოკუმენტის ხელმოწერის შემდეგ გადადგა ნაბიჯი და დაიწყო სრულფასოვნად პროცესები პარლამენტში, ვფიქრობ, რომ ოპოზიციამ უნდა გამოიყენოს ყველა ინსტრუმენტი, ყველა ბერკეტი იმისთვის, რომ საპარლამენტო მუშაობა გაძლიერდეს და ოპოზიციამ შეძლოს საკუთარი მანდატის ფარგლებში ყველა ამ პროცესში მაქსიმალური მონაწილეობის მიღება. ვფიქრობ, რომ ეს არის უფრო მნიშვნელოვანი და სწორი, რაც ასევე ნიშნავს იმას, რომ სხვა მეთოდები, რომელიც პარლამენტს გარეთ შეგვიძლია გამოვიყენოთ ასევე უნდა იყოს ჩართული ამ პროცესში. ყველა სივრცე უნდა დავტვირთოთ იმისთვის, რომ ხელისუფლება ვაიძულოთ შეასრულოს 12 პუნქტი, ასევე საზოგადოებას მივაწოდოთ, თუ რა ხდება რეკომენდაციების შესრულებასთან დაკავშირებით, რომ როცა დადგება არჩევნების დრო, ჰქონდეთ სრული ინფორმაცია, ვინ რა გააკეთა პროცესში და ამის მიხედვით მიიღონ გადაწყვეტილება.
საქართველოს პარლამენტი
სამნიძე მარგველაშვილის მოწოდებაზე: საპარლამენტო მუშაობა გაძლიერდეს
