ზელენსკი: ბრძოლა მთელი ფრონტის გასწვრივ მიმდინარეობს  – სამხრეთში, ხარკოვსა და დონბასში

ჩვენი ქვეყნის შეიარაღებული ძალები, სპეციალური დანიშნულების ჯარები და ჩვენი დაზვერვა აკეთებენ ყველაფერს, შესაძლებელს და შეუძლებელს, რათა ყოველმა რუსმა სამხედრომ აუცილებლად იგრძნოს უკრაინის პასუხი იმ საშინელ ტერორზე, რომელიც რუსეთმა მოუტანა ჩვენს ქვეყანას. უკრაინის ოკუპირებული ტერიტორიის მასშტაბით, ყირიმიდან ხარკოვის რეგიონამდე, რუსეთის არმიას არ აქვს და არც ექნება არცერთი უსაფრთხო ბაზა, არცერთი მშვიდი ადგილი. ჩვენი მცველები გაანადგურებენ ყველა საწყობს, ოკუპანტების შტაბს, მათ დანადგარებს, სადაც არ უნდა იყოს განლაგებული. თუ სევასტოპოლთან, მაშინ იქნება სევასტოპოლთან, თუ ლუგანსკთან, მაშინ იქნება ლუგანსკთან. ეს უკრაინული მიწაა და ოკუპანტებს მხოლოდ ორი რაღაცის გაკეთება შეუძლიათ - გაიქცნენ ან დანებდნენ. სხვა არჩევანს ჩვენ მათ არ ვუტოვებთ. აქტიური სამხედრო მოქმედებები მიმდინარეობს თითქმის მთელი ფრონტის გასწვრივ - სამხრეთში, ხარკოვის რეგიონსა და დონბასში.