ქართული ოცნება

კობახიძე: ახალგორი მიხეილ სააკაშვილმა რუსეთს ჩააბარა

ერთ რამეს შეგახსენებთ, რომ ახალგორის მუნიციპალიტეტზე სრულად ვრცელდებოდა საქართველოს ხელისუფლების დე ფაქტო და დე იურე კონტროლი 2008 წლამდე. სამწუხაროდ, ეს რაიონი მიხეილ სააკაშვილმა და მისმა ხელისუფლებამ რუსეთის ფედერაციას ჩააბარა, რამაც უკიდურესად დაამძიმა არა მარტო ქვეყნის მდგომარეობა ამ კუთხით, არამედ იმ მოსახლეობის მდგომარეობაც, რომელიც ამ რაიონში ცხოვრობს. დიახ, სააკაშვილმა ჩააბარა და იმის მერე ვერ ვიბრუნებთ. ხელისუფლება ყველაფერს აკეთებს, მაგრამ სააკაშვილის გაფუჭებულს ჩვენ ვერ გამოვასწორებთ. სააკაშვილის მიერ რუსეთისთვის ჩაბარებული ტერიტორიები 10 წელიწადში უნდა დაგვებრუნებინა? ეს იყო მოლოდინი?

თქვა ქართული ოცნების თავმჯდომარემ, ირაკლი კობახიძემ ჟურნალისტებთან საუბრისას. ახალგორში 71 წლის მამაკაცი სავარაუდოდ, დაგვიანებული მკურნალობის გამო გარდაიცვალა. საოკუპაციო რეჟიმმა მძიმე ავადმყოფი ახალგორიდან სამკურნალოდ არ გამოუშვა.

კომენტარები