საქართველოს პრეზიდენტმა გუშინ აღიარა, რომ ის თავის კონსტიტუციურ უფლებამოსილებებს სცილდება და ამა თუ იმ ელჩის დანიშვნაზე უარს ამბობს. თუ მას მიაჩნია, რომ ესა თუ ის ელჩი წარუმატებელია, ეს არ არის მისი ფუნქცია. კონსტიტუცია ამას სხვანაირად არეგულირებს. და ბოლოს, დასანანია, რომ ჩვენ ჯერ არ შეგვხვედრია საქართველოს პრეზიდენტი, რომელმაც საპარლამენტო მოდელს გაუგო. ჩვენ ჯერ ვერ შევიძინეთ ისეთი პრეზიდენტი და ეს არავის ბრალი არ არის ჩვენივე თავის გარდა, რომ ვერ ვიყოლიეთ ისეთი საქართველოს პრეზიდენტი, რომელსაც ესმის, თუ რა არის პრეზიდენტის კონსტიტუციური უფლებამოსილებები ისეთ მოდელში, როგორიცაა საპარლამენტო მოდელი. რომელი პრეზიდენტიც კი გვყოლია, ამჟამინდელის ჩათვლით და ჯერ საპარლამენტო მოდელში ბევრი არ გვყოლია, ყველას გარკვეული კომპლექსი აქვს. მე ამას კონსტიტუციურ კომპლექსს დავარქმევდი იმიტომ, რომ ისინი თავს წარმოაჩენენ კანდიდატებად და უნდათ პრეზიდენტობა, მაგრამ როდესაც ხდებიან პრეზიდენტები საპარლამენტო მოდელში, თვლიან, რომ ეს კონსტიტუცია მათ საქმიანობას გასაქანს სათანადოდ არ აძლევს.
ქართული ოცნება
წულუკიანი: საქართველოში საპარლამენტო მოდელის ყველა პრეზიდენტს კონსტიტუციური კომპლექსი აქვს
