საქართველო-ევროკავშირი

საგარეო საქმეთა მინისტრი: ამბიციური რეფორმებით ქვეყანას საბოლოო მიზნამდე მივიყვანთ

საქართველო გააგრძელებს ჩვენი ქვეყნის ამბიციური რეფორმების დღის წესრიგზე მუშაობას, ეს შეთანხმებული გვაქვს ევროკავშირთან [...] რაც შეეხება პირობითობის საკითხს, ეს არაა ახალი და ამის პრაქტიკა არსებობს ევროკავშირში გაწევრიანების მსურველი ქვეყნებისთვის. მსგავსი პრაქტიკა ასევე ჰქონდათ ბალტიისპირეთის ქვეყნებს. შესაბამისად, ჩვენ ამ მიმართულებით აუცილებლად გავაგრძელებთ სვლას ჩვენი საბოლოო მიზნისკენ და ჩვენი ყოველდღიური ძალისხმევით, ამბიციური რეფორმების დღის წესრიგის შესაბამისად, საქართველოს აუცილებლად მივიყვანთ საბოლოო მიზნამდე, რასაც ჰქვია ჩვენი ქვეყნის ევროკავშირის სრულფასოვანი წევრობა.

თქვა საგარეო საქმეთა მინისტრმა, ილია დარჩიაშვილმა გამართულ ბრიფინგზე. დღეს, 17 ივნისს ევროკომისიამ უკრაინასა და მოლდოვისთვის ევროკავშირის წევრობის კანდიდატის სტატუსის მინიჭების რეკომენდაცია გასცა, საქართველოსთვის კი წინასწარი პირობები მოითხოვა. საქართველომ ამ ეტაპზე მხოლოდ ევროპული პერსპექტივა მიიღო.

კომენტარები